פרק כח
דוד המלךטו שבט, תשפא28/01/2021פרק כח מתוך הספר תהילים![]()
+ תיאור הספר
+ הצג את פרקי הספר
<< לפרק הקודם
-
לפרק הבא >>
פרק כח מתוך הספר תהילים
תגיות:תהיליםדוד המלךספרים
א לְדָוִד,אֵלֶיךָ יְהוָה אֶקְרָא צוּרִי,אַל-תֶּחֱרַשׁ מִמֶּנִּי:
פֶּן-תֶּחֱשֶׁה מִמֶּנִּי וְנִמְשַׁלְתִּי,עִם-יוֹרְדֵי בוֹר.
ב שְׁמַע קוֹל תַּחֲנוּנַי, בְּשַׁוְּעִי אֵלֶיךָ;
בְּנָשְׂאִי יָדַי,אֶל-דְּבִיר קָדְשֶׁךָ.
ג אַל-תִּמְשְׁכֵנִי עִם-רְשָׁעִים,וְעִם-פֹּעֲלֵי-אָוֶן:
דֹּבְרֵי שָׁלוֹם, עִם-רֵעֵיהֶם;וְרָעָה, בִּלְבָבָם.
ד תֶּן-לָהֶם כְּפָעֳלָם,וּכְרֹעַ מַעַלְלֵיהֶם:
כְּמַעֲשֵׂה יְדֵיהֶם, תֵּן לָהֶם;הָשֵׁב גְּמוּלָם לָהֶם.
ה כִּי לֹא יָבִינוּ, אֶל-פְּעֻלֹּת יְהוָה-וְאֶל-מַעֲשֵׂה יָדָיו;
יֶהֶרְסֵם,וְלֹא
ו בָּרוּךְ יְהוָה:כי-שָׁמַע, קוֹל תַּחֲנוּנָי.
ז יְהוָה, עֻזִּי וּמָגִנִּי-בּוֹ בָטַח לִבִּי, וְנֶעֱזָרְתִּי:
וַיַּעֲלֹז לִבִּי;וּמִשִּׁירִי אֲהוֹדֶנּוּ.
ח יְהוָה עֹז-לָמוֹ;וּמָעוֹז יְשׁוּעוֹת מְשִׁיחוֹ הוּא.
ט הוֹשִׁיעָה,אֶת-עַמֶּךָ-וּבָרֵךְ אֶת-נַחֲלָתֶךָ;
וּרְעֵם וְנַשְּׂאֵם,עַד-הָעוֹלָם.
הוסף תגובה