פרק נז
דוד המלךטו שבט, תשפא28/01/2021פרק נז מתוך הספר תהילים![]()
+ תיאור הספר
+ הצג את פרקי הספר
<< לפרק הקודם
-
לפרק הבא >>
פרק נז מתוך הספר תהילים
תגיות:תהיליםדוד המלךספרים
א לַמְנַצֵּחַ אַל-תַּשְׁחֵת, לְדָוִד מִכְתָּם- בְּבָרְחוֹ מִפְּנֵי-שָׁאוּל, בַּמְּעָרָה.
ב חָנֵּנִי אֱלֹהִים, חָנֵּנִי- כִּי בְךָ, חָסָיָה נַפְשִׁי:
וּבְצֵל-כְּנָפֶיךָ אֶחְסֶה- עַד, יַעֲבֹר הַוּוֹת.
ג אֶקְרָא, לֵאלֹהִים עֶלְיוֹן; לָאֵל, גֹּמֵר עָלָי.
ד יִשְׁלַח מִשָּׁמַיִם, וְיוֹשִׁיעֵנִי- חֵרֵף שֹׁאֲפִי סֶלָה;
יִשְׁלַח אֱלֹהִים, חַסְדּוֹ וַאֲמִתּוֹ.
ה נַפְשִׁי, בְּתוֹךְ לְבָאִם- אֶשְׁכְּבָה לֹהֲטִים:
בְּנֵי-אָדָם-שִׁנֵּיהֶם, חֲנִית וְחִצִּים; וּלְשׁוֹנָם, חֶרֶב חַדָּה.
ו רוּמָה עַל-הַשָּׁמַיִם
ז רֶשֶׁת, הֵכִינוּ לִפְעָמַי- כָּפַף נַפְשִׁי:
כָּרוּ לְפָנַי שִׁיחָה; נָפְלוּ בְתוֹכָהּ סֶלָה.
ח נָכוֹן לִבִּי אֱלֹהִים, נָכוֹן לִבִּי; אָשִׁירָה, וַאֲזַמֵּרָה.
ט עוּרָה כְבוֹדִי-עוּרָה, הַנֵּבֶל וְכִנּוֹר; אָעִירָה שָּׁחַר.
י אוֹדְךָ בָעַמִּים אֲדֹנָי; אֲזַמֶּרְךָ, בַּלְאֻמִּים.
יא כִּי-גָדֹל עַד-שָׁמַיִם חַסְדֶּךָ; וְעַד-שְׁחָקִים אֲמִתֶּךָ.
יב רוּמָה עַל-שָׁמַיִם אֱלֹהִים; עַל כָּל-הָאָרֶץ כְּבוֹדֶךָ.
הוסף תגובה