close
חזור
תכנים
שו"ת ברשת
מוצרים
תיבות דואר
הרשמה/ התחברות

פרק קא

דוד המלךטו שבט, תשפא28/01/2021
פרק קא מתוך הספר תהילים
<< לפרק הקודם
 - 
לפרק הבא >>

פרק קא מתוך הספר תהילים

תגיות:

א  לְדָוִד, מִזְמוֹר: חֶסֶד-וּמִשְׁפָּט אָשִׁירָה; לְךָ יְהוָה אֲזַמֵּרָה.
ב  אַשְׂכִּילָה, בְּדֶרֶךְ


תָּמִים- מָתַי, תָּבוֹא אֵלָי;
אֶתְהַלֵּךְ בְּתָם-לְבָבִי, בְּקֶרֶב בֵּיתִי.
ג  לֹא-אָשִׁית, לְנֶגֶד עֵינַי-דְּבַר-בְּלִיָּעַל:
עֲשֹׂה-סֵטִים שָׂנֵאתִי; לֹא יִדְבַּק בִּי.
ד  לֵבָב עִקֵּשׁ, יָסוּר מִמֶּנִּי; רָע, לֹא אֵדָע.
ה  מלושני (מְלָשְׁנִי) בַסֵּתֶר, רֵעֵהוּ- אוֹתוֹ אַצְמִית:
גְּבַהּ-עֵינַיִם, וּרְחַב לֵבָב- אֹתוֹ, לֹא אוּכָל.
ו  עֵינַי, בְּנֶאֶמְנֵי-אֶרֶץ- לָשֶׁבֶת עִמָּדִי:
הֹלֵךְ, בְּדֶרֶךְ תָּמִים- הוּא, יְשָׁרְתֵנִי.
ז  לֹא-יֵשֵׁב, בְּקֶרֶב בֵּיתִי- עֹשֵׂה רְמִיָּה:
דֹּבֵר שְׁקָרִים- לֹא-יִכּוֹן, לְנֶגֶד עֵינָי.
ח  לַבְּקָרִים, אַצְמִית כָּל-רִשְׁעֵי-אָרֶץ;
לְהַכְרִית מֵעִיר-יְהוָה, כָּל-פֹּעֲלֵי אָוֶן.

הוסף תגובה
שם השולח
תוכן ההודעה