close
חזור
תכנים
שו"ת ברשת
מוצרים
תיבות דואר
הרשמה/ התחברות

פרק צח

דוד המלךטו שבט, תשפא28/01/2021
פרק צח מתוך הספר תהילים
<< לפרק הקודם
 - 
לפרק הבא >>

פרק צח מתוך הספר תהילים

תגיות:

א  מִזְמוֹר, שִׁירוּ לַיהוָה שִׁיר חָדָשׁ-כִּי-נִפְלָאוֹת עָשָׂה;
הוֹשִׁיעָה-לּוֹ יְמִינוֹ, וּזְרוֹעַ קָדְשׁוֹ.
ב  הוֹדִיעַ יְהוָה, יְשׁוּעָתוֹ; לְעֵינֵי הַגּוֹיִם, גִּלָּה צִדְקָתוֹ.
ג  זָכַר חַסְדּוֹ, וֶאֱמוּנָתוֹ- לְבֵית יִשְׂרָאֵל:
רָאוּ כָל-אַפְסֵי-אָרֶץ- אֵת, יְשׁוּעַת אֱלֹהֵינוּ.
ד  הָרִיעוּ לַיהוָה, כָּל-הָאָרֶץ; פִּצְחוּ וְרַנְּנוּ וְזַמֵּרוּ.
ה  זַמְּרוּ לַיהוָה בְּכִנּוֹר; בְּכִנּוֹר, וְקוֹל זִמְרָה.
ו  בַּחֲצֹצְרוֹת, וְקוֹל שׁוֹפָר- הָרִיעוּ, לִפְנֵי הַמֶּלֶךְ יְהוָה.
ז  יִרְעַם הַיָּם,


וּמְלֹאוֹ; תֵּבֵל, וְיֹשְׁבֵי בָהּ.
ח  נְהָרוֹת יִמְחֲאוּ-כָף; יַחַד, הָרִים יְרַנֵּנוּ.
ט  לִפְנֵי יְהוָה- כִּי בָא, לִשְׁפֹּט הָאָרֶץ:
יִשְׁפֹּט-תֵּבֵל בְּצֶדֶק; וְעַמִּים, בְּמֵישָׁרִים.

הוסף תגובה
שם השולח
תוכן ההודעה